HALMASHAURI KUU YA CCM MKOA WA NJOMBE YATOA TAMKO LA KUMPONGEZA JPM

 

Mwenyekiti wa CCM Mkoa wa Njombe na Mbunge wa Jimbo la Makambako Mh Deo Sanga a.k.a Jah People akimuombea kura  Mgombea Urais wa CCM Dkt John Pombe Magufuli  wakati wa kampeni za uchaguzi mkuu wa mwaka 2015

Mwandishi; Erasto Paul

Halmashauri kuu ya Chama cha Mapinduzi CCM,  Mkoa wa Njombe Imetoa tamko la kumpongeza Raisi  wa Jamhuri ya Muungano wa Tanzania Mh John Pombe Magufuli kwa utendaji kazi wake unaosifiwa na wengi.

Tamko hiyo limetolewa na wajumbe wa halmashauri kuu ya CCM MKOA WA Njombe waliokutana hii leo katika ukumbi wa CCM mkoa wa Njombe Uliopo Mtaa wa Mji Mwema Chini ya Mwenyekiti wa Ccm Mkoa Ndugu Deo Sanga amabaye ni Mbunge wa Jimbo la Makambako.

Akisomo Tamko hilo Mh Deo Sanga amesema Kwa Kauli  moja wajumbe Wameazimia Kumpongeza Raisi Kwani Tangu achaguliweRaisi amejidhihirisha pasipo shaka yoyote kuwa ni kiongozi Shupavu asiye na uoga wala kuteteleka katika kutete maslahi ya Taifa.

Mh Deo Sanga amesema Raisi ameonyesha Uzalendo wa kweli katika kulipigania taifa dhidi ya watu wenye tabia ya kuhujumu Uchumi.

Katika hatua Nyingine  Mh Sanga ametolea mfano wa mambo ambayo kama mkoa unayatambua na kuyathamini ambayo yamefanywa na Raisi Kuwa ni pamoja na kupambana na vitendo viovu vilivyokuwa vikifanywa na baadhi ya watumishi wa serikali wasio waadilifu.

Amesema Vitendo hivyo vimekuwa vikipoteza Mapato ya serikali kama vile kulipa mishahara hewa kwa watumishi,tabia ya uzembe na ubadhilifu wa mali za umma,ukwepaji kodi na mengineyo.

Aidha Halmashauri kuu ya CCM Mkoa wa Njombe  imesema baada ya kutafakari kazi Nzuri iliytofanywa na Raisi imeridhia kuwa mwenendo huo utaiwezesha kauli mbiu ya Tanzania ya viwanda kufikiwa kama ilivyotarajiwa  na ilani ya cahama hicho kufikia 2020.

 

Pamoja na kumpongeza Raisi Hamashauri kuu imetoa wito kwa watanzania kumuunga mkono kwa kushiriki  kwa vitendo kuyapiga vita maovu katika jamii.

Mkutano huo umehudhuliwa na wajumbe wa halmashauri ya Chama cha mapinduzi   mkoa wa Njombe wakiwemo wakuu wa wilaya.