MHAGAMA;Njombe mji tumejipanga;

 
Solanus Mhagama-Msemaji wa Njombe Mji.

Anaandika Erasto Paul-Kings Fm

Klabu ya Njombe Mji imesema kuwa  changamoto zinazojitokeza katika kuyafikia mafanikio ni sehemu ya tu ya Kazi Hivyo hawana budi kupambana nayo.

Msemaji wa Njombe Mji Fc ambao ni WAGENI wa Ligi Kuu ya Vodacom Tanzania Bara Solanus Mhagama kupitia Ukurasa wake wa Mtandao wa Facebook amesema wapo wengi watakao ongea mengi juu ya Klabu hiyo lakini wamejipanga vilivyo.

‘’wataongea mengi sana dhidi ya njombe mji fc lakini tumejipanga vilivyo ‘’ameandika Mhagama nakuongeza’’ ‘’changamoto kwetu ni sehemu ya kazi’’

July 24 Njombe Mji FC walitoa  onyo baada ya kuwafunga mabingwa wa zamani wa ligi hiyo, Azam FC mabao 2-0 katika mchezo wa kirafiki uliofanyika Uwanja wa Amani, Makambako.

Ikicheza kwa kushambulia kwa kasi, Njombe Mji ilifanikiwa kuifunika kabisa uwanjani timu ya bilionea Alhaj Sheikh Said Salim Awadh Bakhresa na familia yake jioni ya leo na kusababisha washangiliwe muda wote wa mchezo na mashabiki wake.

 Baadhi ya Viongozi wa Klabu ya Njombe Mji.

Kama masihara, mshambuliaji Mnigeria wa timu hiyo, Adam Michael alianza kuifungia Njombe Mji dakika ya 35 na bao hilo likadumu hadi mapumziko.

Kipindi cha pili, kocha Mromania wa Azam FC, Aristica Cioaba alibadilisha karibu kikosi kizima, lakini ajabu wakapachikwa bao la pili, lililofungwa na Raphael Siame dakika ya 80. 
 
Tafrani iliibuka kidogo uwanjani baada ya Hussein Akilimali kuonekana kama ameokolea ndani ya mstari wa langoni krosi ya Mghana, Yahya Mohammed dakika ya 85, lakini baada ya refa kushauriana na msaidizi wake namba moja akajiridhisha halikuwa bao.