NAIBU WAZIRI NISHATI DKT. KALEMANI AGHADHABISHWA NA WAKANDARASI MRADI WA UMEME WA MAKAMBAKO-SONGEA.

Na Erasto Mgeni,Njombe 

PICHA;Naibu waziri wa Nishati na Madini Dokta Medad Kalemani akiwapa maagizo wakandarasi wanaojenga kituo cha kupoozea umeme Mjini Makambako.Picha na Erasto Mgeni.

Naibu waziri wa Nishati na Madini Dokta Medadi Kalemani ameagiza kutofanya malipo ya aina yoyote kwa mkandarasi anayefanya kazi ya kupanua kituo cha  kupoozea umeme kilichopo Makambako katika utekelezaji wa mradi wa Umeme wa Makambako Songea.

Kituo cha kupoozea Umeme kinajengwa katika Eneo la Makambako ambacho kitaunganishwa na Mfumo wa usafarishaji Umeme wa Kilomita 250 wenye msongo wa kilovolt 220 kutoka Makambako Hadi Songea.

Dkt.Kalemani alitoa maagizo ya kuzuia malipo kwa Mkandarasi anayejulikana kwa Jina la Jv Shandong Taikai Power Eng.Ltd $ Noringo International Cooperation baada  ya kufanya ziara ya kushtukiza katika eneo la Mradi na kuona mradi huo unasua sua kwa zaidi ya mwaka mmoja.

Kalemani alisema Ni mara yake ya tatu kufika katika kituo hicho lakini kila anapofanya ziara eneo hilo haoni chochote kinachoendelea Tangu  Mwezi Julai Mwaka jana.

Akizungumza mara baada ya kumaliza ziara yale Alisema‘’Kwa kweli kwa kituo cha Makambako kazi haijafanyika,nimetoa maelekezo ni matumaini yetu watayafanyia kazi,sasa nimeelekeza ujenzi uanze mara moja kwa sababu wakandarasi waliondoka site’’Alisema Kalemani Na Kuongeza ‘’ Lakini Kazi ya Pili nimezuia sasa  wasilipwe kwanza mpaka kazi waanze,iridhishe iwe verified ndo waweze kulipwa kwa mujibu wa kazi walizofanya.’’

Licha ya Kuzuia malipo hayo pia Dkt Kalemani  alimuagiza mkuu wa mkoa kuhakikisha mkandarasi huyo hatoki nje ya mkoa wa Njombe mpaka pale atakapojiridhisha maendeleo ya mradi huo unaotarajia kuwanufaisha wananchi wengi wa mkoa wa Njombe na Ruvuma.

 ‘’Nimeomba sana  uongozi wa mkoa utusaidie kuwafanya wakae site,nimeshauri na nimeelekeza meneja wetu awazuie kwanza hiyo Kampuni  wasiondoke kwanza kwenye mkoa wa Njombe Mpaka watakapoanza Shughuli za Ujenzi na Tumejiridhisha’’ Alisema Kalemani

Katika ziara yake ya Kushtukiza Amemuagiza Mkurugenzi mkuu wa Tanesco  kumchukulia Hatua Msimamizi wa ujenzi wa kituo cha kupoozea  na asipo fanya hivyo basi atalazimika kumchukulia hatua yeye mwenyewe. 

Aliagiza pia kubadilishwa kwa msimamizi wa ujenzi wa mfumo wa usambazaji umeme wa msongo wa kilovolti 33 wenye Jumla ya kilomita 900 kazi inayofanywa na mkandarasi anayejulikana kwa Jina la Isolux Ingeniera S.A.

Amesema Mkandarasi huyo alitakiwa awe ameshakamilisha kazi ya kusambazi umeme  Tangu Disemba mwaka jana katika baadhi ya  vijiji vya Halmashari ya Makambako  na Njombe  ambapo mpaka sasa utekelezaji wa kazi hiyo ni Asilimia 32.8 pekee.

‘’Kwa Upande wa vile vijiji 120 ambavyo vinapelekewa umeme na mradi ule nimekuta kazi hazijafanyika Ipasavyo,kwahiyo tumetoa maelekezo Yule ni msimamizi kwasababu ameshindwa kufanya kazi vizuri na kwakweli hakuwepo site wakati tunatembelea,sasa huko kokote alipo atakaporudi awekwe kazi nyingine asisimamie mradi’’Alisema Kalemani

Kitendo cha naibu waziri kufika katika maeneo ya utekelezaji wa Mradi na kutowaona wakandarasi wakiwa Site kilionekana kumchukiza sana naibu waziri hali iliyopelekea kuchukua maamuzi hayo ya kuzuia malipo kwa wakandarasi huku akiwataka kuhakikisha kazi hiyo inamalizika kwa wakati.

Dokta Kalemani alipongeza Kampuni ya Kalpataru Power Transmission Ltd  inayojenga Njia Kuu ya  Mfumo wa usafarishaji Umeme wa Kilomita 250 wenye msongo wa kilovolt 220 kutoka Makambako Hadi Songea kwakuwa inaendelea vizuri  na kazi inayofanyika inaonekana.

‘’Mradi wa tatu unakwenda Viruzi ule wa kusafirisha njia za umeme,ile kampuni ya waindia Kalpataru wanafanya vizuri,tumewahamasisha tu wasipunguze spidi ili wamalize ndani ya muda kwasababu wanamaliza Mwezi Marchi’’Alisema Kalemani  na kuongeza’’ Kwahiyo nio matarajio yetu kuja kufikia mwezi Septemba Mwakani mradi wa Makambako-Songea utakuwa umekamilika,wananchi 22,700 wataunganishia umeme na njia za usafirishaji umeme wa kilomita 250 kutoka makambako kupitia madaba mpaka songea zitakuwa zimekamilika’’

Mradi  huu wa kutoka Makambako Songea ni mradi unaofadhiliwa na serikali ya Sweeden kupitia shirika lake la maendeleo la Sweden pamoja na serikali ya Tanzania kupitia Shirika la umeme Tanesco.
Mradi huu umekusudia kusambaza umeme vijini ili kuchangia maendeleo ya wananachi katika vijiji na miji iliyopo katika moa wan Jombe na Ruvuma.

Naibu waziri wa Nishati na madini Dokta Kalemani anaendelea na Ziara Yake katika mikoa ya Kusini akikagua miradi mbalimbali inayotekeleza Mpango wa umeme Vijijini Rea awamu ya Tatu.